సాలిడ్ అప్‌డేట్.. షూటింగ్ పూర్తి చేసుకున్న స్టార్ హీరో సినిమా
దిశ, సినిమా: సీనియర్ స్టార్ అజిత్ కుమార్ హీరోగా నటిస్తున్న తాజా సినిమా ‘విడాముయర్చి’. లైకా ప్రొడ‌క్షన్స్ క‌ల‌యిక‌లో మ‌గిళ్ తిరుమేని ద‌ర్శక‌త్వంలో రూపొందుతోన్న ఈ ప్రతిష్టాత్మక చిత్రంపై అభిమానులతో సహా ప్రేక్షకుల్లో కూడా భారీ అంచనాలు ఏర్పడ్డాయి. అంతే కాకుండా.. ఇప్పటి వరకు ఇందులో నుంచి వచ్చిన ప్రతి అప్‌డేట్ ఎంతో విశేషంగా ఆకట్టుకున్నాయి. అలాగే అజిత్ లుక్ సోషల్ మీడియాలో వైరల్ కావడంతో పాటు టాప్ స్టార్స్‌, టెక్నీషియ‌న్స్ అందరూ ఇందులో భాగ‌మ‌వ్వడంతో ఈ మూవీపై అంచనాలు ఒక్కసారిగా పెరిగిపోయాయి.
దీంతో సినిమా ఎప్పుడెప్పుడు వస్తుందో అని ప్రేక్షకులు ఎంతో ఈగర్‌గా ఎదురుచూస్తున్నారు. ఇలాంటి సమయంలో మూవీ నుంచి తాజాగా ఓ సాలిడ్ అప్‌డేట్ వచ్చింది. సినిమా షూటింగ్‌ను పూర్తి చేసినట్టుగా నిర్మాణ సంస్థ ప్రకటించింది. ఈ మేరకు చిత్రయూనిట్ అందరూ కలిసి ఫోటోకు పోజులిచ్చారు. ప్రజెంట్ ఈ ఫొటోస్ నెట్టింట వైరల్ అవుతున్నాయి. కాగా.. ‘విడాముయర్చి’ సినిమా శాటిలైట్ హ‌క్కుల‌ను స‌న్ టీవీ సొంతం చేసుకోగా, ఓటీటీ హ‌క్కుల‌ను నెట్‌ఫ్లిక్స్ ద‌క్కించుకుంది.
